Capella Honan
Li Capella Honan (Irlandés: Séipéal Uí Eonáin, antey li Saint Finbarr's Collegiate Chapel e The Honan Hostel Chapel) es un micri eclesia catolic constructet con li celtic-romanesc reviventie-stil sur li terren de University College Cork in Cork, Irland. Dessinat in 1914, li edificie esset completat in 1916 e completmen furnit in 1917. Su architectura a accessories es representativ del movement de Celtic Reviventie quel evoka li stil insular trovat in Irland e Britannia inter li 7im e 12im secules.
Li construction del capella esset iniciat e supervidet de John O'Connell, un solicitor de Dublin, e prominent membre del movementes del celtic reviventie. Il esset apoyat financiarimen de Isabella Honan (1861-1913), li ultim membre de un rich familie de Cork, qui donat un grand quantitá por li construction del capella.
Servicies liturgic[modificar | redacter fonte]
Li Honan have masses omnidie e ye soledí, anc servicies memorial por decedet studiantes e membres del equip. Annualmen it es usat por 150 servicies matrimonial por graduates, quel serve quam un fonte pecuniari por li capella. In plu, musical e altri cultural evenimentes trova se ta.