Carl Hanns Pollog

Articules unesim scrit in occidental
De Wikipedia

Carl Hanns Pollog esset un occidentaliste sviss[1] ex Basel[2].

Carl Hanns Pollog esset un geograf e autor german. Il es mentionat in un studie pri autores exiliat in Svissia, ad u il emigrat.[3]

Il scrit anc pri aviation. In 1930, quande il publicat un biografie pri Hugo Junkers, il ancor habitat in Weil am Rhein[4], quel es in Germania, ma tre proxim a Basel, situat directmen al altri látere del frontiera sviss-german. In 1936 il ja habitat in Basel[5].

Secun li catalog del German National Biblioteca, libres de Pollog aparit in Svissia ínter 1944 e 1946[6], dunc il sembla har restat in ti land adminim til li fine del guerre.

Li nómine Dr.[5] Carl Hanns Pollog es rarissim, dunc it es ja tre ínprobabil que it acte se pri du diferent persones. Adplu, li sequent factes pri li occidentalist apoya li suposition que il es li sam person:

  • In su textu "Viage in aeroplan trans li Canal del Manche"[7], il scri pri "un spectacul tre impressionant por chascun interessat in geografic problemas", quo atesta su interesse pri aviation e anc geografie.
  • Anc il havet un doctoratu.[7]
  • Il esset membre del Occidental-Club de Basel in 1943.[8]

Ovres[modificar | redacter fonte]

  • In memorie de Hermann Tanner, in Cosmoglotta 226.
  • Viage in aeroplan trans li Canal del Manche[7]
  • Marcas de comercie e Occidental[9]
  • Pri li standardisation[10]
  • Li movement mundlingual in Anglia[11]

Referenties[modificar | redacter fonte]

  1. Cosmoglotta B 046 (may 1943)
  2. Cosmoglotta B 069 (apr 1945)
  3. p. 12 Schwabeonline
  4. p. 156
  5. 5.0 5.1 Der Weltluftverkehr im Jahre 1934/35
  6. [1]
  7. 7.0 7.1 7.2 Cosmoglotta B 048 (jul 1943)
  8. Cosmoglotta B 046
  9. Cosmoglotta B 055 (feb 1944)
  10. Cosmoglotta B 072 (jul 1945)
  11. Cosmoglotta B 080 (apr 1946)