Charles Edward, duc de Saxe-Coburg e Gotha

Charles Edward (1884-1954) esset a divers témpores un prince britannic, li ultim duc regnant de Saxe-Coburg e Gotha in Germania, e un politic Nazi. Educat in li Reyatu Unit, il esset selectet por succeder al tron de Saxe-Coburg e Gotha in 1899, pro que on considerat le suficentmen juven por esser re-educat quam german. Il maritat li Princesse Victoria Adelaide de Schleswig-Holstein e li cuple havet cinque infantes. Charles Edward esset un regent conservativ con un interesse in arte e technica. Durant li Unesim Guerre Mundal, il suportat li Imperie German ma esset deposet durant li Revolution German. Durant li annus 1920, Charles Edward devenit un supportator moral e financiari de gruppes paramilitari de extrem-dextre violent, juntante se al Partise Nazi in 1933. Il recivet mult positiones, includente ductor del Cruz Rubi German, e actet quam un diplomate non-official. Post li guerre, il esset internat por un periode e recivet un minor conviction de un corte de denazification, morient de cancer in 1954.