Chris Hipkins
| Chris Hipkins | |
|---|---|
.jpg) | |
| Land |  Nov-Zeland |
| Nascentie | 5-im Septembre 1978 in Wellington |
| Partise | Partise del Labore de Nov-Zeland |
| Oficies | |
| Prim-ministre de Nov-Zeland | |
| Quande | 25-im de januar 2023 til 27-im de novembre 2023 |
| Antecessor | Jacinda Ardern |
| Successor | Christopher Luxon |
| Presidente del Partise del Labore de Nov-Zeland | |
| Quande | 22-im de januar 2023 til nu |
| Antecessor | Jacinda Ardern |
Christopher John „Chris“ Hipkins es un politico de Nov-Zeland. Il nascet li 5-im de septembre 1978 in li cité capital Wellington e il esset inter li 25-im de januar 2023 e li 27-im de novembre 2023 prim-ministre de Nov-Zeland. Chris Hipkins es membre Partise del Labore de Nov-Zeland e desde li 22-im de januar 2023 presidente de ti-ci partise.
Personal e professional vive
[modificar | redacter fonte]Chris Hipkins studiat political scientie e criminologie in Wellington. Pos su studies il laborat quam political consiliero del Industry Training Federation of New Zealand e il ductet programmes del education in li gas- e petrol-industrie de su land.
Chris Hipkins esset maritat con Jade Hipkins e li cuple have du infantes.
Polical cariera
[modificar | redacter fonte]- 1996 Chris Hipkins devenit membre del Partise del Labore de Nov-Zeland e laborat quam consiliero del ministre por education Trevor Mallard e li prim-ministre Helen Clark.
- 2008 Hipkins es electet quam membre del parlament de Nov-Zeland.
- 2017-2023 Hipkins esset ministre in li guvernament de Jacinda Adern. Il esset ministre por education, statal servicies e ministre por sanitá. Hipkins anc esset presidente del parlament.
- 2023 Pos li surprisant demission de Jacinda Ardern Chris Hipkins devenit ye li 22-im de januar 2023 presidente del Partise del Labore de Nov-Zeland e devenit li 25-im de januar 2023 prim-ministre de Nov-Zeland. Il e su partise perdit li electiones parlamentari ye li 14-im de octobre 2023 clarmen. Chris Hipkins restat prim-ministre del Nov-Zeland til li 27-im de novembre 2023.