Claus von Stauffenberg
| Claus von Stauffenberg | |
|---|---|
 | |
| Land |  Germania
|
| Nascentie | 15-im de novembre 1907 in Jettingen |
| Morte | 20-im de julí 1944 in Berlin |
| Ocupation | Oficero |
Claus Philipp Maria Schenk Graf von Stauffenberg esset un german oficero, qui esset in resistentie contra li nationalsocialisme in Germania. Il nascet ye li 15-im de novembre 1907 in Jettingen e esset executet ye li 20-im de julí 1944 in Berlin pos un fallit attentate contra Adolf Hitler.
Claus von Stauffenberg comensat pos hat finit li scola un cariera militari e devenit oficero professional del german armé Wehrmacht. Il atinget li rang de un colonel. Claus von Stauffenberg combattet in li Duesim Guerre Mundal e esset ye li 7-im de april 1943 vúlnerat in li nord de Africa. Li dextri manu e du fingres del levul manu esset amputat e il perdit li levul ocule.
Claus von Stauffenberg hat suportat in li comense li dictatura del nationalsocialisme, ma il changeat su opinion pro li negativ developament del situation militari por Germania in li Duesim Guerre Mundal in li annu 1943.
Desde li annu 1943 esset Claus von Stauffenberg in contacte con li resistentie contra Adolf Hitler in li german armé Wehrmacht. Il projectet e executet contra altri oficeros li Operation Walküre, quel esset un plan por mortar Adolf Hitler e por un colpe de state.
Ye li 20-im de julí 1944 Claus von Stauffenberg provat sin successe mortar Adolf Hitler per un bombe, ma li attentate fallit e Adolf Hitler supervivet. Li colpe de state fallit e Claus von Stauffenberg esset fusilat in li Bentler-Block in Berlin in li nocte del 20-im de julí 1944.
Claus von Stauffenberg esset maritat con Nina von Stauffenberg e li cuple havet quin infantes.