Comete

De Wikipedia
Comete Hale-Bopp

Un comete es un glacial, micri córpor del solari sistema que deveni calid e dechargea gases quando it passa proxim al Sole, un processu nominat degasification. To producte un extendet, gravitationalmen inlimitat atmosfere o coma circumdant li nucleo, e alquande un caude de gas e polve gas es sufflat ex li coma. Ti fenomenes es causat per li efectes de solari radiation e li exfluent solari vente acte sur li nucleo del comete. Cometari nucleos have dimensiones de un poc cent metres a decis de kilometres, ili es composit de lax colectiones de glacie, polve, e micri particules de petre. Li coma posse esser til 15 vezes li diametre del Terra, durante que li caude posse extender plu quam un unité astronomic. Si suficientmen proxim e clar, un comete mey esser videt fro Terra sin un telescop e posse subtende un arc de til 30° (60 lunes) trans li ciel. Cometes ha esset observat e registrat desde témpores ancian per multi culturas e religiones.

Cometes usualmen have altimen excentric elliptic orbites, e ili have un largi range de orbital periodes, de pluri annus a milliones de annus. Cometes con brevi periodes origina in li cintura de Kuiper o su associat disperset disco, ultra li órbite de Neptun. Cometes con plu longi periodes es pensat de originar in li nube de Oort, un sferic nube de glacial córpor que extende a extern li cintura de Kuiper a demi li distantie al max proxim stelle.[1] Long-periodic cometes es agitar vers li Sole per gravitational perturbationes de passant stelles e li galactic marea. Hiperbolic cometes posse passar un vez trans li interiori solari sistem ante it es lansar vers spatie interstellari.

Cometes e meteores[modificar | redacter fonte]

Diagramma del Perseid meteores

Quando un comete es calentat durante passar proxim li Sole, degasification de su glacial partes dechargea solid fragmentes talmen grand que pression radiational e solari vente ne posse pussar les ad-extran. Si li Terra move tra li tracie del fragmentes, hay un pluvie de meteores. Plu densi tracies de fragmentes producte brevi ma intensi pluvies de meteores, e minu densi tracies producte plu longi ma minu intensi pluvies. Tipicmen, li densitá del tracie es afin de duration desde li comete dechargeat li materiale.[2][3] Por exemple, li Perseid pluvie de meteores, ocurre chascun annu inter 9 e 13 August, quando Terra passa tra li órbite de Comete Swift–Tuttle.

Vide anc[modificar | redacter fonte]

Referenties[modificar | redacter fonte]

  1. Randall, Lisa (2015). Dark Matter and the Dinosaurs: The Astounding Interconnectedness of the Universe. New York: Ecco/HarperCollins Publishers, 104–105. ISBN 978-0-06-232847-2. 
  2. Lyzenga, Gregory A. (20 September 1999). "What causes a meteor shower?." Scientific American.
  3. Jaggard, Victoria (7 February 2019). "Meteor showers, explained." National Geographic.