Comunication

De Wikipedia

Comunication es li processe de dar information de un person (o animale o altri creatura) a un altri. On vide in li parol comunication li radica comun, quel monstra que on fa comunication inter plu quam un person.

Li comunication inter li gente posse efectuar se in mult formes, e on suposi que li homes del passate ne comunicat con un structurat lingue ma con expressiones, sones, e gestes. Plu tard developat se li parlat lingues, e pos to li scrition. Li particularitá possedet del scrition es que on posse comunicar su pensas ad altres mem quande on ne sta con ili, e mem pos su morte. Li gente por exemple es ancor influentiat del pensas del filosofes e religiose gente del passate, solmen vidente li coses queles ili scrit (o li coses queles tis qui esset con ili scrit).

In li profund ocean li max frequent form de comunication es con lúmine, nam ta li lúmine es presc íntrovabil e li tenebrositá fa it un bonissim metode a transferer information.

Benque li comunication servi a comunicar pensas, it servi sovente solmen por comunicar emotiones. On vide un tal fenomen in emotional argumentes in queles li du (o plu quam du) persones interrupte unaltru, solmen audiente li interlocutar sat long a conosser li subjecte e comensar un nov attacca verbal.

Bibliografie[modificar | redacter fonte]

  • Wellekens, W (1965) Li comunication e su dimensiones, in Cosmoglotta 239.