Cultura occidental

Cultura occidental, anc conosset quam civilisation occidental, civilisation european o societé occidental, include li divers heritages de normes social, valores etic, customes traditional, sistemas de credenties e politic, artefactes e tecnologies del munde occidental. Li nucleo del civilisation occidental, largmen definit, es format del bases combinat del civilisation greco-roman e cristianisme. Durante que cultura occidental es un concepte larg, e ne religa a un region con membres fixat o confines geografic, it generalmen religa a li culturas de paises con ligamentes historic a un pais european o un númere de paises european, o al varieté de culturas intra Europa self. Tamen, paises vers li est de Europa es sovente excluet del definitiones del munde occidental.