Dacian Cioloș

De Wikipedia
Jump to navigation Jump to search
Dacian Cioloș

Dacian Cioloș es un politico de Rumania. Il nascet li 27-im de julí 1969 in Zalău e es desde li 17-im de novembre 2015 li prim-ministre de Rumania. Cioloș ne es membre de un political partise e il esset inter 2010 e 2014 membre del Europan Comission quam comissario de agricultura.

Personal e professional vive[modificar | redacter fonte]

Inter 1989 e 1994 Cioloș studiat agricultaral scienties in li universitá por agricultural scienties e veterinari medicina in Cluj-Napoca e devenit ingeniero por horticultura. Pos to il studiat economie in Montpellier in Francia.

Inter 2002 e 2003 Dacian Cioloș esset parte del delegation de Rumania por li Europan Union por agricultural questiones. In li annu 2005 il comensat laborar in li ministerie por agricultura.

Dacian Cioloș es maritat con Valérie Villemin.

Political carriera[modificar | redacter fonte]

  • 2005-2007 Dacian Cioloș esset ministre por agricultura e rural developament in li guvernament de Călin Popescu Tăriceanu.
  • 2010-2014 Il esset membre del Europan Comission quam comissario de agricultura.
  • 2015 Presidente Klaus Iohannis proposit Dacian Cioloș li 10-im de novembre 2015 al prim-ministre de Rumania e li 17-im de novembre 2015 li parlament electet Cioloș quam nov prim-ministre.