Daniela Büchner

Daniela Büchner con su marito Jens Büchner

Daniela Danny Büchner es un actoressa de realitá television in Germania. Ella nascet li 2-im de april 1978 in Düsseldorf.

Vive

In li etá de 12 annus ella translocat con su genitores e con su quar sestras a Delmenhorst. In li etá de 21 annus ella maritat in Turcia su unesim marito Yılmaz Karabaş. Li cuple have du filias e un filio. Li cuple esset divorciat in li annu 2007 e Yılmaz Karabaş morit in li annu 2009.

In li annu 2015 Daniela Büchner conossentat li cantator Jens Büchner. Ella translocat con su tri infantes a Cala Millor e habitat junt con Jens Büchner. Depoy ella acte in li documentari serie de television Goodbye Deutschland! - Li Emigrantes che li german station de television Vox. In li annu 2016 Daniela Büchner nascentat gemelles e maritat Jens Büchner in li junio 2017. On posset regardar li nuptie in li television. In li marte 2018 li cuple apertet li Café Frenetico.

Junt con su marito Daniela Büchner partiprendet in li show de television Das Sommerhaus der Stars – Kampf der Promipaare. Su marito Jens Büchner morit in li novembre 2018 pro pulmonari cancere. Pro li morte de su marito Daniela Büchner ajornat su participation in li show de television Ich bin ein Star – Holt mich hier raus!, ma in li annu 2020 Daniela Büchner partiprendet in ti show de television de realitá.

Cariera in li television

• 2016–2019: Goodbye Deutschland! Die Auswanderer (VOX)
• 2018: Das Sommerhaus der Stars – Kampf der Promipaare (RTL, quam candidata)
• 2019: Stern TV (RTL)
• 2020: Ich bin ein Star – Holt mich hier raus! (RTL, quam candidata)