Delimitation national in li Soviet-Union

"Mey viver li unitá del opresset laboratores del Oriente con li laboratores de tot li munde in li lucta por li socialisme!", un afiche de 1924 in li uzbek.

Li national delimitation in li Union de Republicas Socialistic Soviet (URSS) esset li processu por determinar clar definit unidades territorial national (republicas socialistic sovietic [RSS], republicas socialistic soviet autonom [RSSA], oblastes autonom [provincias], raiones [districtes], e okruges [circuites]) basat sur li diversitá etnic del Soviet-Union e su subregiones.

Li terme in lingue russ por ti plande action statal soviet esset razmezhevanie (russ: национально-территориальное размежевание, natsionalno-territorialnoye razmezhevaniye), quel es traductet in divers manières in li literatura anglesi quam "national-territorial delimitation" (NTD), "demarcation", o "partition". Li national delimitation format part de un processu plu long de changeamentes in li division administrativ-territorial, quel anc changeat li limites de unitás territorial, ma ne esset necessimen ligat al considerationes national o etnic.

Li national delimitation in li USSR esset diferent del nation-construction (russ: национальное строительство), quel generalmen referet al politicas e actiones executet de parte del guvernament de un unitá territorial national (un stat national) pos li delimitation. In li max casus, li national delimitation in li USSR esset sequet de korenizatsiya (indigenisation).