Die Linke
.svg)
Die Linke (german por Li Levul) es un levul-radical e populist partise de Germania. It esset format in li annu 2007 per li unition del post-comunist Partise del Democratic Socialisme con li levul-populist Labor e Justicie - Li Electoral Alternative.
In li annu 2023 li membre del german parlamente del partise Die Linke Sahra Wagenknecht anunciat li fundation de un propri political organisation Alliantie Sahra Wagenknecht - Alliantie por rason e justicie e to causat un fension in li partise. In li decembre 2023 li partise perdit li statu de un fraction in li parlament de Germania ye li 6-im de decembre 2023 pos deci membres del parlament del partise abandonat Die Linke e devenit membre del political organisation Alliantie Sahra Wagenknecht - Alliantie por rason e justicie de Sahra Wagenknecht.
- Fundation: 16-im de junio 2007.
- Political direction: socialist e populist critical contra li Europan Union e contra li membritá de Germania in li NATO
- Presidentes: Jan van Aken e Ines Schwerdtner
- Vice-presidente: Ates Gürpinar, Lorenz Gösta Beutin, Katina Schubert, Jana Seppelt
- Federal Administrator: Tobias Bank
- Membrité: 60 681 (2021)
- Sede: Berlin
- Organisation de yunesse: Linksjugend Solid
- Fundation: Rosa-Luxemburg-Stiftung
- Reprensentantes in li national parlament: 39 (2021) por 4,9 percentes in li Federal electiones de Germania 2017
- Mandates in li Europan Parlament: tri membres in li fraction del Europan Levul
- Representantes in li parlamentes del países federal: 130 mandates
Saxonia-Anhalt 12, Berlin 22, Mecklenburg-Vorpommeria 9, Saxonia 6, Thuringia 12, Hamburg 13, Bremen 10.
Die Linke in parlamentes e guvernamente
[modificar | redacter fonte]Li partise Die Linke have su centre de gravitation in li ex-German Democratic Republica. Ta it anc es e esset parte del guvernmantes del países federal. In li west de Germania it ne es representat in omni parlamentes países federal e nequande esset parte de un guvernament.
Politica
[modificar | redacter fonte]Li partise Die Linke have un socialist e populist programma in li social e financial aferes. Li partise es contra li membritá de Germania in li NATO e anc critical contra li Europan Union pro su anticapitalist ideologie. In li politica de migration li partise Die Linke vole apert frontieras por illegal migrantes. Pro to ne realistic e populist punctu de vise li levul partise anc perdit in li ostal partes de Germania in li recent electiones. Die Linke suporta autoritari levul political sistemas quam li comunist guvernament in Cuba e li levul-populist dictatura in Venezuela.