Die del labore

De Wikipedia
Un demonstration del Die del Labore in Svedia

Die del labore es un international festa-die del international movement del laboreros quel es festat li 1-im de may. Pro to it es anc nóminat Unesim mai. In mult landes li 1-im de may es un statal festa-die e li sindicates convena grand public reuniones por demandar plu bon conditiones de labore por li ovreros.

Li date del unesim de may amemora al 1-im de may 1886 quande li movement de laboreros in li Unit States de America anunicat un general-bastament por atinger que li témpore de labore es reductet por omni laboreros a ott hores. Li die es anc selectet pro que ja li 1-im de may 1856 evenit in Australia un mass-demonstration por un general labor-témpor de ott hores.

Li unesim de may 1886 evenit in Chicago un grand reunion del movement de laborero in sur li plazza del Haymarket in Chicago. August Spies anunciat un bastament de tri dies. Li 3-im de may 1886 evenit tumultus inter li policie e laboreros. Six policistes e circa 20 laboreros esset mortat.

In Germania li unesim de may es un statal festa-die desde li annu 1933. It esset introductet del nationalsocialist guvernament de Adolf Hitler. Hodie apartmen socialist, comunist e anarchist gruppes promoe li international Die del labore.