Dieter Biallas

Dieter Biallas es un politico e matematico de Germania. Il nascet li 19-im de junio 1936 in Eydtkuhnen (Ost-Prussia, hodie Russia) e esset inter 1974 e 1978 li duesim borgomastro de Hamburg e membre del senatu de Hamburg por li Líber Democratic Partise de Germania. In li annu 2014 il abandonat li Líber Democratic Partise de Germania e es inter li fundatores del nov social-liberal partise Nov Liberales.

Personal e professional vive

Il fugit con su familie ye li fine del Duesim Guerre Mundal su hem in Ost-Prussia e adultijat in Mecklenburg. Quam yun hom Biallas perdit un ocul e li levl manu e quelc fingres del dextri manu per un explosion. Biallas finit li gimnasium in li annu 1955 in Ludwigslust. Poy il studiat matematica in Potsdam e Hamburg. Il fat su doctoratu in natural scienties. Il instructat in li universitás de Braunschweig e Hamburg. Biallas devenit un professor del universitá de Hamburg in li annu 1968.

Biallas esset activ in li auxilie por developant landes. Il directet til li annu 2002 li german filiale del ne-guvernamental organisation Transparency International.

Political cariera

• 1969 Dieter Biallas devenit un membre del Líber Democratic Partise de Germania/FDP.
• 1974-1978 Biallas esset li duesim borgomastro de Hamburg e membre del senatu de Hamburg por li Líber Democratic Partise de Germania. Il esset senator por cultura e scientie.
• 2014 Dieter Biallas abandonat in li fine del august 2014 li Líber Democratic Partise de Germania e es inter li fundatores del nov social-liberal partise Nov Liberales juntmen con Najib Karim e Sylvia Canel.