Emendament de Bricker

De Wikipedia
Saltar a: navigation, serchar
Senator John W. Bricker, li propositor de un emendament por limitar li "autoritá de tractate" del guvernament del Unit States de America.

Li Emendament de Bricker es li colectiv nómine de un serie de proposit changes al Constitution del Unit States de America queles esset considerat per li Senate del Unit States de America durante li decennie 1950. Ti changes vell ha restrictet li extension e ratification de tractates e executiv concordies quel li Unit States de America vell fa. Ili esset nominat secun John W. Bricker de Ohio, american conservativ Republicane, quel proposit les.

Isolationisme, li idé que li Unit States deve non prender parte in altrilandal conflictes e mundal politica, sempre ha esset un element de american politica ma esset specialmen fort durante li annus sequent li Unesim Mundal Guerre. American intrada in li Duesim Mundal Guerre supresset isolational opiniones ma ili revenit durante li annus pos-guerral quam response al nov international rol del U.S.A., specialmen al nov Organisation del Unit Nationes e su filial international organisationes. Quelc persones timet li perde de american soveranitá a ti transnational organisationes, pro li rol del Soviet Union in li difusion de international Comunisme e li Guerre Frigid.