Emma Raducanu
| Emma Raducanu | |
|---|---|
_(42834286534).jpg) | |
| Land |  Unit Reyatu
|
| Nascentie | 13-im de novembre 2002 in Toronto |
| Ocupation | Sportista, Ténnis-lusora |
Emma Raducanu es un professional ténnis-lusora del Reyatu Unit. Ella nascet li 13-im de novembre 2002 in Toronto (Canada) e ganiat li 11-im de septembre 2021 sensationalmen li Grand Slam-torney de New York. Raducanu devet in prim se qualificar por ti torney.
Desde li annu 2018 ella lude professionalmen ténnis. In li ténnis-torney de Wimbleton in li annu 2021 Emma Raducanu atinget li ottesim finale. Ye li 30-im de august 2021 ella esset ye li rang número 150 in li ténnis rang-liste mundal del WTA.
Li matre de Emma Raducanu Renée (nascet quam Dong Mei Zhai) es de China e li patre Ioan Raducanu de Rumania. Emma Raducanu nascet in Canada, ma su genitores translocat a Anglia quande ella havet du annus. Ella comensat in li etá de quin annus luder ténnis. Emma Raducanu have li civitá de Canada e del Reyatu Unit. Ella habita in Bromley (London).
Emma Raducanu es 1,75 metres alt e su chef de exercition es Andrew Richardson.