Friedensreich Hundertwasser
| Friedensreich Hundertwasser | |
|---|---|
.jpg) | |
| Land |  Austria
|
| Nascentie | 15-im de decembre 1928 in Vienna |
| Morte | 19-im de februar 2000 in sur li nave Queen Elisabeth II |
| Ocupation | Artist, Architect, Pictor |
Friedensreich Regentag Dunkelbunt Hundertwasser, nascet quam Friedrich Stowasser, esset un artist, architect e pictor de Austria. Il nascet ye li 15-im de decembre 1928 in Vienna e morit ye li 19-im de februar 2000 sur li nave Queen Elisabeth II in li proximitá de Brisbane (Australia). Friedensreich Hundertwasser esset un important representante del arte modern.
Personal e professional vive
[modificar | redacter fonte]Friedensreich Hundertwasser comensat studiar 1948/1949 por quelc mensus arte in Vienna, ma abandonat su studies pos tri mensus. Il comensat viagear e laborat quam líber artist, architect e pictor. In li annu 1957 Friedensreich Hundertwasser maritat in Gibraltar Herta Leitner, qui esset in li etá de 16 annus. Li maritage esset divorciat pos solmen du annus. In li annu 1982 esset nascet su filia Heidi Trimel, qui es li sol infante de Hundertwasser, ma il refusat chascun contact con su filia.
Friedensreich Hundertwasser esset anc un activist por li protection del circumité e li ecologie esset anc un element central in su architectura. In li annus 80 del 20-im secul il translocat a Nov-Zeland e recivet anc li civitá de Nov-Zeland.
Li arte de Hundertwasser
[modificar | redacter fonte]In su arte Friedensreich Hundertwasser esset sempre un adversario del idé del linea rectilinieari e contra omni standartisation. Li architectura de Hundertwasser monstra un grand viventie con mult fantasie e individualitá. Li inclusion del natura in li architectura es un motive in li arte de Hundertwasser.
In li picturas de Hundertwasser li spirale es un motive central. Hundertwasser designat pluri postmarcas de diversi landes.