Gavoi

Gavoi es un comune in central Sardinia (Italia), parte del provincia de Nuoro, in li region natural de Barbagia. It domina li Lago de Gusana.

Historie

Costumes traditional

Li territoria de Gavoi es habitat desde li periode prenuragic. Durant li medievie es citat pluri vezes in li liste de villages e cités quel payat li impostes al curia roman.

Gavoi esset atinget per li peste in li 18-im secul.

Atrationes principal

Un vista del cité con li tipic doms de petre granitic

Li eclesia roman de San Gavino es li principal sacri loc de Gavoi, benque it existe ott altri antiqui eclesias in li village. Li centre del village contene doms de petre con balcones, e un fontane de village es conosset quam "Antana 'e Cartzonna".

Proxim al lago es li areas archeologic de Orrui e San Michele di Fonni. Un ponte roman es submerset sub li lago.

Economie

Turisme de monte es inter li fontes de revenú. Production agricultural include potates e caseo (li village es famosi pro su Fiore Sardo).

Traditiones e cultura

Li tumbarinu es un tambur traditional fat de pelle de agnelle, e plu rarmen, de pelle de cane o de ásino. Li tumbarinu es frequentmen acompaniat per li pipiolu, li siffluore traditional del pasteros. Li ballu tundu es un dansa traditional in li circul, quam in li area balcanic. Li poesie es estimat, includente competitiones de improvisat rim sur dat temas.

Li proxim Sanctuario de Madonna d'Itria organiza un palio, in ti casu un singulari competition de cavalles tre simil a to de Siena.