George Shultz
| George Shultz | |
|---|---|
 | |
| Land |  USA
|
| Nascentie | 13-im Decembre 1920 in New York |
| Morte | 6-im Februar 2021 in Stanford (California) |
| Partise | Republican Partise (USA) |
| Oficies | |
| Ministri por exteri aferes del USA | |
| Quande | 16-im de julí 1982 til 20-im de januar 1989 |
| Antecessor | Alexander Haig |
| Successor | James Baker |
George Pratt Shultz esset un politico de USA. Il nascet li 13-im de decembre 1920 in New York e morit li 6-im de februar 2021 in Stanford (California) in li etá de 100 annus. George Shultz esset ministre por externi aferes del USA inter li 16-im de julí 1982 til li 20-im de januar jenuar 1989 in li guvernament del presidente Ronald Reagan. Il esset membre del Republican Partise.
Personal e professional vive
[modificar | redacter fonte]George Shultz studiat economie al Universitá de Princeton. Durant li Duesim Guerre Mundal il esset oficiro in li rang de capitano. Pos li guerre il fat su doctoratu al Massachusetts Institute of Technology in li economie de industrie. Pos to Shultz docet al Massachusetts Institute of Technology inter 1948 e 1957. Ye li annu 1955 Shultz devenit professor. Ye li annu 1957 il changeat al universitá de Chicago. Ye li annu 1962 Shultz devenit decan al universitá de Chicago.
Pos su cariera quam ministre por externi aferes in li annu 1989 George Shultz devenit professor al Universitá de Stanford in California.
George Shultz esset duvez maritat. Inter 1946 e 1995 con Helena O'Brian qui morit in li annu 1995. Ye li annu 1997 il maritat Charlotte Mailliard Shultz. George Shultz havet quin infantes.
Political cariera
[modificar | redacter fonte]- 1969-1970 George Shultz esset ministre por labore in li guvernament del presidente Richard Nixon.
- 1972-1974 George Shultz esset ministre por financies in li guvernament del presidente Richard Nixon.
- 1982-1989 George Shultz esset ministre por externi aferes in li guvernament del presidente Ronald Reagan.
- 2000 Shultz esset consiliero in li campanie electoral del presidente George W. Bush.