Georgian Reve
Georgian Reve-Democratic Georgia (curt: Georgian reve, georgian: ქართული ოცნება – დემოკრატიული საქართველო) es un political partise e political bloc in Georgia. It esset fundat li 19-im april 2012 per li initiative del miliarderio Bidzina Ivanishvili quam oposition contra li regne del Mikheil Saakashvili.
Li nómine del coalition Georgian Reve origina de un rap-canzon de Bera Ivanishvili qui es li filio de Bidzina Ivanishvili.
General information[modificar | redacter fonte]
- Fundation: 19-im de april 2012
- Colores: blu e yelb
- Presidente: Irakli Garibashvili
- Initiator: Bidzina Ivanishvili
- Membres in li national parlament: 75 de 150 membres
- Political direction: coalition ex diversi partises con diversi ideologies, contra ex-presidente Mikheil Saakashvili e su partise Unit National Movement
- Electoral resultates: 54,87 percent in li electiones al parlament de Georgia in li annu 2012
Membre-partises del coalition Georgian Reve[modificar | redacter fonte]
- Cives movement Georgian Reve-Democratic Georgia de Bidzina Ivanishvili
- Republican Partise de Georgia: liberal partise
- National Forum: por li milateri neutralitá de Georgia
- Conservativ Partise de Georgia: national-conservativ partise
- Industrie va salvar Georgia: partise del comerciante Gogi Topadze, afabil a Russia e contra li Europan Union e NATO.
- Nor Georgia-Líber Democrates: liberal partise, it abandonat in li novembre 2014 li coalition Georgian Reve
Programma[modificar | redacter fonte]
Li coalition Georgian Reve uni partises del diversi ideological directiones. Li comun scope del coalition esset finir li regne de Mikheil Saakashvili e ameliora li relationes con Russia. Li Georgian Reve ganiat li parlamentari electiones 2012 e li local electiones 2014 e guverna nu Georgia. Li guvernament del Georgian Reve continua li integration del land in li Europan Union e in li NATO.
Historie[modificar | redacter fonte]
Prim-ministre Irakli Garibashvili remplazzat li fundator del movement Bidzina Ivanishvili qui hat ja anunciat que il va se retirar pos du annus de guvernament.
In li novembre 2014 li li liberal partise Nor Georgia-Líber Democrates abandonat li coalition Georgian Reve pro que su presidente Irakli Alasania esset remplazzat quam ministre por defense in li guvernament de Irakli Garibashvili. Nor Georgia-Líber Democrates forma nu un propri fraction in li parlament de Georgia e li Georgian Reve nu have solmen un strett majoritá in li parlament.