Gordana Siljanovska-Davkova
| Gordana Siljanovska-Davkova | |
|---|---|
.jpg) | |
| Land |  Macedonia
|
| Nascentie | 11-im May 1953 in Ohrid |
| Partise | VMRO-DPMNE |
| Oficies | |
| Presidente de Nord-Macedonia | |
| Quande | 12-im de may 2024 til nu |
| Antecessor | Stevo Pendarovski |
Gordana Siljanovska-Davkova (macedonian scrit: Гордана Силјановска-Давкова) es un féminin e scientista de Nord-Macedonia. Ella nascet li 11-im de may 1953 in Ohrid e es desde li 12-im de may 2024 presidente de Nord-Macedonia. Gordana Siljanovska-Davkova es membre del partise VMRO-DPMNE e es li unesim fémina in li oficie del presidente de Nord-Macedonia.
Personal e professional vive
[modificar | redacter fonte]Gordana Siljanovska-Davkova studiat jurisprudentie in Skopje e fat su doctoratu in Ljubljana (Slovenia).
Pos su studies Gordana Siljanovska-Davkova laborat al universitás in Skopje quam assistente e in li annu 2004 ella devenit professora. Ella es li autoressa de mult scientific articules e libres. Gordana Siljanovska-Davkova esset membre in li Comission de Venice del Consilie del Europa.
Gordana Siljanovska-Davkova have du infantes.
Political cariera
[modificar | redacter fonte]- 1990-1992 Membre in li comission del constition del assemble de Macedonia.
- 1992-1994 Gordana Siljanovska-Davkova esset ministra sin function in li guvernament de Branko Crvenkovski.
- 2019 Gordana Siljanovska-Davkova candidat por li VMRO-DPMNE al electiones presidential. In li unesim ella recivet 44,15 percentes e finit ye li duesim rang e in li duesim rond ella perdit contra Stevo Pendarovski recivente 46,42 percentes.
- 2020 Gordana Siljanovska-Davkova es electet por li VMRO-DPMNE in li parlament de Nord-Macedonia.
- 2024 Gordana Siljanovska-Davkova candidat denov por li VMRO-DPMNE al electiones presidential. In li unesim rond ella ganiat con 40,1 percentes li max mult votes. Gordana Siljanovska-Davkova ganiat li duesim rond del electiones presidential con 69 percentes contra li actual presidente Stevo Pendarovski.Ye li 12-im de may 2024 Gordana Siljanovska-Davkova ella devenit oficialmen presidente de Nord-Macedonia.
Politica
[modificar | redacter fonte]Gordana Siljanovska-Davkova es contra li changeament del nómine del state a Nord-Macedonia.