Holger Zastrow

Holger Zastrow
Holger Zastrow
Land	Germania Germania
Nascentie	12-im de januar 1969 in Dresden
Ocupation	Politico

Holger Zastrow es un politico de Germania. Il nascet li 12-im de januar 1969 in Dresden e esset inter 1999 e 2019 li presidente del Líber Democratic Partise de Germania. Holger Zastrow abandonat li Líber Democratic Partise de Germania e fundat in li may 2024 su propri partise political con li nómine Team Zastrow - Bündnis Sachsen-24.

Personal e professional vive

Holger Zastrow fat un aprentisage quam comerciante industrial. Il studiat economie in Dresden. Inter 1991 e 1992 Holger Zastrow laborat por un membre del parlament del país federal Saxonia del Líber Democratic Partise de Germania. Pos to il fundat un agentura por relationes public, evenimentes e reclam.

Holger Zastrow es maritat con Ariane Zastrow desde li annu 2010

Political cariera

• 1993 Holger Zastrow devenit membre del Líber Democratic Partise de Germania.
• 1995-1997 Vice-presidente del Líber Democratic Partise de Germania in li país federal Saxonia.
• 1999-2019 Holger Zastrow esset li presidente del Líber Democratic Partise de Germania in li país federal Saxonia.
• 2004 Holger Zastrow esset electet in li consilie municipal de Dresden.
• 2004-2014 Holger Zastrow esset membre del parlament del país federal Saxonia e chef del fraction del Líber Democratic Partise de Germania ta.
• 2011-2013 Holger Zastrow esset vice-presidente del Líber Democratic Partise de Germania.
• 2015-2017 Holger Zastrow esset denov membre del presidentie del Líber Democratic Partise de Germania.
• 2024 In li januar 2024 Holger Zastrow abandonat li Líber Democratic Partise de Germania e fundat li partise Team Zastrow – Bündnis Sachsen 24 e es electet in li consilie municipal de Dresden.

Politica

Holger Zastrow esset membre del dextri fraction del Líber Democratic Partise de Germania.

Ligamentes extern

• Internet-págine de Holger Zastrow