Saltar por contenete

James David Vance

De Wikipedia
J. D. Vance
J. D. Vance
J. D. Vance
Land USAUSA USA
Nascentie 2-im August 1984 in Middletown, Ohio
Partise Republican Partise
Oficies
Senator del federal state Ohio
Quande 3-im de januar 2023 til 10-im de januar 2025
Antecessor Rob Portman
Successor vacui
Vice-presidente del USA
Quande 20-im de januar 2025 til nu
Antecessor Kamala Harris

James David Vance o anc JD Vance, nascet quam James Donald Bowman, es un politico del USA. Il nascet li 2-im de august 1984 in Middletown (Ohio) e es desde li 20-im de januar 2025 li vice-presidente del [[USA] sub presidente Donald Trump. James David Vance esset senator del federal state Ohio por li Republican Partise inter 2023 e 2025.

Personal e professional vive

[modificar | redacter fonte]

J. D. Vance esset nascet quam James Donald Bowman, ma su patre adandonat quande il esset un yun infante li familie. In yun etá J. D. Vance adoptet li nómine de su step-patre e portat li nómine James Hamel, ma finalmen il changeat su nómine a J. D. Vance secun su grand-patre. Pos li scola J. D. Vance intrat in li armé quam membre del U. S. Marine Corps e servit quam jurnalist del armé in li guerre in Iraq. Pos to il studiat Political scientie al Ohio State University in Columbus (Ohio) e jurisprudentie al Yale Law School in New Haven (Connecticut).

J. D. Vance laborat quam managero de financies por un firma de investmentes in San Francisco.

James David Vance es maritat con Usha Vance e li cuple have tri infantes.

In li annu 2016 J. D. Vance publicat su autobiografie Hillbilly Elegy, quel esset tre successosi e esset anc adaptet quam serie de television de Netflix.

Political cariera

[modificar | redacter fonte]
  • 2016 J. D. Vance criticat li candidate del Republican Partise por li electiones presidential Donald Trump, ma ja du annus plu tard il changeat su opinion e suportat Donald Trump.
  • 2023 J. D. Vance es electet quam senator por Ohio in li senatu del USA.
  • 2023-2025 James David Vance esset senator por li federal state Ohio in li senatu del USA.
  • 2024 J. D. Vance es li candidate del Republican Partise por li oficie del vice-presidente con li candidate por li electiones presidential del USA 2024 Donald Trump.
  • 2025 James David Vance devenit ye li 20-im de januar 2025 vice-presidente del USA sub li presidente Donald Trump.