Jeremy Hunt

Jeremy Hunt

Jeremy Richard Streynsham Hunt es un politico del Reyatu Unit. Il nascet li 1-im de novembre 1966 in Godalming e es desde li 9-im de julí 2018 ministre por exteri aferes del Reyatu Unit in li guvernament de Theresa May. Jeremy Hunt es membre del Conservativ Partise.

Personal e professional vive

Jeremy Hunt finit li elite-scole Charterhouse School in Godalming. Inter 1985 e 1987 il fat al Magdalen College del Universitá Oxford li consecutiv studie filosofie, politica e economie. Pos li studie Hunt laborat quam consiliero por interprenses. Il anc docet anglesi in Japan e aprendet self japanesi. Plu tard il fundat su propri firma Hotcourses.

Jeremy Hunt es maritat con Lucia Guo qui originat de China. Li cuple have tri infantes.

Political cariera

• 2005 Hunt es electet in li parlament del Reyatu Unit.
• 2010-2012 Hunt esset ministre por li Olimpic Ludes e secretario por cultura, medies e sport.
• 2018 Jeremy Hunt devenit li 9-im de julí 2018 ministre por exteri aferes del Reyatu Unit in li guvernament de Theresa May.
• 2019 Jeremy Hunt candidat quam presidente del Conservativ Partise.

Politica

Jeremy Hunt esset contra li Brexit in li Brexit plebiscite 2016, ma changeat plu tard su opinion. Nu Hunt es contra un dur Brexit.