Joachim Herrmann
Joachim Herrmann es un politico de Germania. Il nascet li 21-im de septembre 1956 in München e es desde li annu 2007 ministre de Bavaria por interni aferes, construction e trafic. Herrmann es membre del Cristan Social Union in Bavaria e prim candidate de su partise por li Federal Electiones de Germania 2017.
Personal e professional vive[modificar | redacter fonte]
Pos su obligatori militari servicie Joachim Herrmann studiat jurisprudentie in München e Erlangen. Pos su studie il laborat in li administration del bavarian guvernament. In li annu 1992 Herrman laborat quam avocate e havet su propri cancelleria e laborat anc por li interprense Siemens AG.
Desde li annu 1983 il maritat Gerswid Terheyden e li cuple have un filia e du filios.
Political cariera[modificar | redacter fonte]
- 1987-1991 Vice-presidente del organisation del yunesse del Yun Union de Germania.
- 1990 Joachim Herrmann candidat sin successe por li position del borgomastro de Erlangen.
- 1994 Herrmann esset electet in li parlament de Bavaria.
- 1998-1999 Statal secretario in li ministerie de labore de Bavaria.
- 2003-2007 Presidente del fraction del Cristan Social Union in Bavaria in li parlament de Bavaria
- 2007 Ministre por interni aferes, construction e trafic de Bavaria in li guvernament de Horst Seehofer.
- 2017 Prim candidate de su partise por li Federal Electiones de Germania 2017. Herrmann ne es electet in li parlament pro li grand perdes del partise.