Karin Baal
| Karin Baal | |
|---|---|
| Land |  Germania
|
| Nascentie | 19-im de septembre 1940 in Berlin |
| Ocupation | Actoressa |
Karin Baal, qui nascet quam Karin Blauermel es un actoressa de television, cinemá e teatre de Germania. Ella nascet li 19-im de septembre 1940 in Berlin.
Ella ludet in li annu 1956 in li film Die Halbstarken sin haver un education quam actoressa. Karin Baal fat poy un education quam actoressa in München e ludet in mult filmes por li cinemá e television. Karin Baal ludet in mult film-adaptiones del criminal romanes de Edgar Wallace.
Karin Baal ludet in tri filmes del famosi german film-director Rainer Werner Fassbinder. Ella esset anc un successosi actoressa del teatre.
Karin Baal esset maritat ínter 1960 e 1962 con li actor Karlheinz Gaffkus. Li cuple have un filio Thomas. Inter 1962 e 1977 Baal esset maritat con li austrian actor Helmuth Lohner e li cuple have un filia Therese Lohner qui devenit un professional actoressa. Ella esset maritat in su triesim maritage con li actor Volker Eckstein, qui morit in li annu 1983 pro cancere. Inter li annus 2000 e 2004 Baal esset maritat con li kurdo Cevdet Çelik qui esset triant annus plu yun quam ella.
In li annu 2012 Karin Baal publicat su auto-biografie Ungezähmt – Mein Leben .