Katja Suding
Katja Suding es un feminin politico de Germania. Ella nascet li 30-im de decembre 1975 in Vechta e desde li novembre 2010 ella es li presidente del Líber Democratic Partise in Hamburg. In septembre 2020 Suding anunciat su retraida del activ politica.
Personal e professional vive[modificar | redacter fonte]
Suding finit li scole in li annu 1996 in Vechta. Inter 1996 e 2003 ella studiat scientie de comunication, political scientie e romanistica in li universitá de Münster. Ella translocat a Hamburg e laborat paralelmen a su studies in li firma de su marito quam directoressa del department por marketing e public relationes. Inter 2002 e 2004 ella laborat quam directoressa in li forma Otto Office GmbH. Desde li annu 2004 Katka Suding labora quam índependent consiliera por public relationes e comunication.
Ella habitat separat de su marito e de su du filios in Rissen quel es un quartere de Hamburg. In li septembre 2020 Suding declarat su intention finir su political cariera.
Political cariera[modificar | redacter fonte]
- 2006 Katja Suding devenit membre del Líber Democratic Partise
- 2007-2009 Chef-redactora del partise-jurnal Große Freiheit quel es li organ del Líber Democratic Partise por membres in Hamburg.
- 2008-2011 Suding esset quam cive electet membre in li consilie del districte Altona in Hamburg-
- 2011 Suding es electet in li parlament de Hamburg e devenit membre in li presidentie del Líber Democratic Partise in Hamburg. Ella esset li prim-candidate del partise por ti election.
- 2015 Katja Suding es li prim-candidate del Líber Democratic Partise por li electiones in Hamburg.
- 2015-2017 Membre del parlament del país federal Hamburg.
- 2017 Katja Suding esset electet in li parlament de Germania por li Líber Democratic Partise.