Khalifa Haftar

De Wikipedia
Jump to navigation Jump to search
Khalifa Haftar

Khalifa Belqasim Haftar es un general del armé Libya. Il nascet li 7-im de novembre 1943 in Ajdabiya e es li comandante del Libyan National Armé quel controla li max grand parte de Libya.

Personal vive[modificar | redacter fonte]

Khalifa Haftar apartene al tribe de Al Farjani. Il studiat in Ajdabiya, ma translocat a Derna ú il studiat inter 1961 e 1964. Haftar esset studiante del Militari Universitá Academia in Bengasi. Ta il finit su studies in li annu 1966. In li 70s Khalifa Haftar recivet un militari education in li Sovet-Union e pos to in Egypt.

Khalifa Haftar suportat li militari colpe de Muamer Gaddafi in li annu 1969. Pos to Haftar devenit un del max alt militari oficari de Libya. Khalifa Haftar esset li militari ductor in li conflicte com Chad in li annu 1986-1987. In ti guerre Haftar esset arestat e il devenit li comandante del Libyan National Armé quel esset contra li dictatura de Muamer Gaddafi. Li USA evacuat Haftar in li annu 1990 in li USA. Haftar laborat por li US-servicie secret CIA. In Libya il esset condamnat al morte.

Haftar have anc li civitá del USA. Li have adminim quin filios e un filia.

Haftar in li guerre intern de Libya[modificar | redacter fonte]

Khalifa Haftar combattet in li rebellion contra Muamer Gaddafi in li annu 2011. Pos li cade e execution de Gaddafi Khalifa Haftar devenit chef del armé de Libya. Russia suporta li general Haftar qui ne aconosse li guvernament transitori de Fayez al Sarraj. Haftar suporta e es li chef del armé del contra-guvernament in Tobruk e su Libyan National Armé conquestat grand partes de Libya e destructet radical islamist militant gruppes. Haftar controla li guvernament in Tobruk quel ne es internationalmen aconosset.