Kurt Tucholsky

Kurt Tucholsky
Kurt Tucholsky
Land	Germania Germania
Nascentie	9-im de januar 1890 in Berlin
Morte	21-im de decembre 1935 in Göteborg
Ocupation	Autor, Jurnalist

Kurt Tucholsky esset un autor e jurnalist de Germania. Il nascet li 9-im de januar 1890 in Berlin e morit ye li 21-im de decembre 1935 in Göteborg (Svedia). Kurt Tucholsky esset un del max importantes autores de Germania in li era del Republica de Weimar inter 1918 e 1933.

Kurt Tucholsky usat anc li pseudonimes Kaspar Hauser, Peter Panter, Theobald Tiger e Ignaz Wrobel.

Vive e carriera

Kurt Tucholsky esset de judeic orígine. Il studiat jurisprudentie in Berlin e Geneva, ma havet un grand interesse por litteratura. Tucholsky comensat laborar quam jurnalist e ne finit su studie.

Kurt Tucholsky combattet in li Unesim Guerre Mundal quam soldate. Pos li fine del guerre il laborat anc quam levul political jurnalist e autor. Il scrit por li jurnal Die Weltbühne e esset temporarimen mem editor de ti révue. Il advertit del dangere del Nationalsocialisme e fugit Germania pos li formation de un nationalsocialist guvernament in Germania. Durent li regne del nationalsocialistes li libres de Tucholsky esset brulat e il perdit li german civitá.

Kurt Tucholsky esset maritat con Else Weil inter 1920 e 1924 e inter 1924 e 1933 il esset maritat con Mary Gerold. Inter 1927 e 1931 Kurt Tucholsky esset in un relation con li jurnalist Lisa Matthias.

Kurt Tucholsky escapat a Svedia e morit per suicide in li exilie in Göteborg ye li 21-im de decembre 1935.

Ovres

Famosi ovres:

• 1912 Rheinsberg: Ein Bilderbuch für Verliebte
• 1919 Fromme Gesänge
• 1928 Das Lächeln der Mona Lisa
• 1929 Deutschland, Deutschland über alles
• 1931 Schloß Gripsholm
• 1932 Walter Hasenclever