Kwame Nkrumah

De Wikipedia
Kwame Nkrumah
Kwame Nkrumah
Kwame Nkrumah
Land GhanaGhana Ghana
Nascentie 21-im Septembre 1909 in Nkrofol
Morte 29-im April 1972 in Bucarest (Rumania)
Partise Convention People's Party
Oficies
Presidente de Ghana
Quande 1-im de julí 1960 til 24-im de februar 1966
Antecessor Elisabeth II quam reyina de Ghana
Successor Joseph Arthur Ankrah
Prim-ministre de Ghana
Quande 6-im de marte 1957 til 1-im de julí 1960
Antecessor self quam prim-ministre
Successor self quam presidente

Francis Nwia Kofi Kwame Nkrumah esset un socialist politico de Ghana. Il nascet li 21-im de septembre 1909 in Nkroful e morit li 29-im de april 1972 in Bucarest (Rumania). Kwame Nkrumah esset li unesim prim-ministre e presidente del índependent state Ghana.

Kwame Nkrumah regnat autoritarimen e esset removet de so oficies per un colpe de state in li annu 1966.

Personal e professional vive[modificar | redacter fonte]

Kwame Nkrumah nascet in li village Nkrofol in li sud-west de Ghana. Il apartenet al popul Nzema. Kwame Nkrumah laborat quam instuctor in Ghana. Il translocat al Unit States de America e studiat economie (1939), teologie (1942), pedagogica (1943) e filofie (1943). Nkrumah laborat quam docente in li USA.

Pos su cade per un colpe de state in li annu 1966 Nkrumah eat a Guinea. In li annu 1971 il viageat a Rumania por un medical tractament. Kwame Nkrumah morit in Bucarest in li annu 1972 pro cancere.

Kwame Nkrumah esset maritat con Fathia Rizk e li cuple havet quar infantes.

Politcal cariera[modificar | redacter fonte]

Kwame Nkrumah esset un adherante del pan-africanisme.

  • 1947-1949 Membre del partise United Gold Coast Convention.
  • 1949-1966 Kwame Nkrumah fundat in li annu 1949 li plu radical partise Convention People's Party.
  • 1950 Nkrumah esset arestat pro li organisation de protestes contra li colonial regnantie del Reyatu Unit.
  • 1952-1957 Prim-ministre del colonia Coste de Aure.
  • 1957-1960 Unesim prim-ministre del índependent Ghana.
  • 1965-1966 Presidente del Organisation del African Unitá.
  • 1960-1966 Unesim presidente de Ghana.
  • 1966 Nkrumah esset renversat in li annu 1966 per un colpe de state per del National Liberation Council.

Politica[modificar | redacter fonte]

Kwame Nkrumah regnat quam un dictator. Li oposition esset persecutet e omni altri partises except su propri partise esset prohibet. In li externi politica Nkrumah volet strett relations con li states del socialist bloc quam li Soviet-Union.