Li 3-im Via
Li 3-im Via (german: Der III. Weg) es un minori dextri partise de Germania. It esset fundat in li annu 2013 e propaga un nationalist e anti-capitalist triesim via inter comunisme e capitalisme. Li 3-im Via es in li tradition del levul fraction del Nationalsocialist German Partise de Laboreros quel esset ductet de Otto Strasser.
General information
[modificar | redacter fonte]- Nómine: Li 3-im Via (Der III. Weg)
- Fundation: 28-im de septembre 2013 in Heidelberg
- Sede del partise: Bad Dürkheim
- Presidente: Klaus Armstroff
- Númere de membres: circa 500[1]
- Representation in li national parlament: null
- Programma: national-revolutionari, critical contra li capitalisme
- Political direction: national-revolutionari (self-perception), neo-nationalsocialist (de political adversarios), extrem dextri
Electiones e resultates
[modificar | redacter fonte]In li annu 2014 li partise candidat por li concilie municipal in Bad Dürkheim e recivet 0,5 %.
Li 3-im Via candidat por li electiones del provincial parlament in Rhenland-Palatinia in li marte 2016 e recivet 0,1 percentes.
In li electiones al Europan Parlament 2019 li partise recivet 12.822 voces o 0,0 %.
Por li electiones al parlament de Germania 2021 Li 3-im Via candidat in Saxonia e Bavaria.
Extremisme
[modificar | redacter fonte]Li German Servicie por li Protection del Constitution egarda Li 3-im Via quam extrem dextri e neo-nationalsocialist organisation e quam successor del interdictet organisation Freies-Netz Süd.
Li fundator e presidente del partise Klaus Armstroff esset un functionario del extrem dextri Nationaldemocratic Partise de Germania.