Liberal Democratic Partise (Macedonia)

De Wikipedia

Li Liberal Democratic Partise (Macedonian: Либерално-демократска партија, Liberalno-demokratska partija) es un liberal political partise in Nord-Macedonia.

General Information[modificar | redacter fonte]

  • Fundation: April 1997 in Skopje
  • Abreviation: LDP
  • Actual Presidente: Goran Milevski
  • General Secretario: Dufe Kukoski
  • Political direction: liberal
  • Representation in li national parlament: li partise ne acceptet su mandates in li electiones 2014
  • Organisation de Yunesse: Yun Liberal Democrates

Historie[modificar | redacter fonte]

Li Liberal Democratic Partise (LDP) esset fundat in li april 1997 quam fusion inter li Liberal Partise e li Democratic Partise. Li unesim presidente del LDP esset Petar Gošev qui esset li ultim presidente del Union del Comunistes de Macedonia.

Desde li annu 1994 li Liberal Democratic Partise es un membre in li Liberal Internationale. In li annu 1999 esset li fraction circum Stevan Androv quel abandonat li Liberal Democratic Partise e refundat li Liberal Partise. Desde li annu 2002 li Liberal Democratic Partise es in un alliantie con li SDSM in parlamentari electiones con li exception del parlamentari electiones 2011 in quel li Liberal Democratic Partise perdit su sedes in li parlament pro li mal electoral resultate. Li Liberal Democratic Partise esset in li guvernament con li SDSM inter 2002 e 2006 e havet quar ministres in li guvernament. In li annu 2005 Liljana Popovska forlassat li LDP e fundat li Partise del Democratic Renovation de Macedonia. Con suporte del SDSM li presidente del Liberal Democratic Partise Andrej Žernovski ganiat li electiones al borgomastro del municipie Skopje Centar in li annu 2013.

In li electiones parlamentari 2014 li LDP denov partiprendet in un alliantie con li SDSM, ma omni membres de ti coalition ne acceptat su mandates s que li electiones esset falsificat del guvernant VMRO-DPMNE.

Li Liberal Democratic Partise es in oposition al guvernament de VRMO-DPME.

Presidentes del Liberal Democratic Partise[modificar | redacter fonte]

Electoral resultates[modificar | redacter fonte]

Presidential electiones[modificar | redacter fonte]

Li Liberal Democratic Partise havet solmen in li annu 1999 un propri candidate por li electiones al oficie del presidente. Pos to it suportat li candidate del SDSM in li presidental electiones.

  • 1999 Stojan Androv 111.983 e 10.8 percente. Il finit ye li 5-im rang inter six candidates e ne intrat in li duesim rond e Androv forlassat in li sam annu li Liberal Democratic Partise e refundat li Liberal Partise.

Parlamentari electiones[modificar | redacter fonte]

  • 2014 In li parlamentari electiones li 27-im de april 2015 li Liberal Democratic Partise partiprendet quam parte del Coalition del SDSM, ma ili ne acceptat su mandates pro reproches que li electiones esset falsificat del guvernant VMRO-DPMNE.
  • 2011 In li parlamentari electiones li Liberal Democratic Partise partiprendet índependentmen e recivet solmen 16.551 e 1,47 percents e perdit omni sedes in li parlament.
  • 2008 Li Liberal Democratic Partise partiprendet in li coalition Sole - coalitio por Europa juntmen con li SDSM, li [[Índependent Socialdemocratic Partise (Macedonia)|Índependent Socialdemocratic Partise), li Liberal Partise, li Nova Alternativa e li Verdi Partise. Li Liberal Democratic Partise recivet quar mandates per ti coalition
  • 2006 In li parlamentari electiones 2006 li Liberal Democratic Partise partiprendet quam parte del Coalition del SDSM e recivet per ti coalition quin sedes in li parlament.
  • 2002 In li parlamentari electiones 2002 li Liberal Democratic Partise partiprendet quam parte del Coalition del SDSM e recivet per ti coalition 13 sedes in li parlament e havet quar ministres in li guvernament.
  • 1998 In li parlamentari electiones 1998 li Liberal Democratic Partise partiprendet in un coalition con li Democratic Partise de Macedonia e recivet per ti coalition quar sedes in li parlament

Fontes[modificar | redacter fonte]

Externi ligamentes[modificar | redacter fonte]