Libre

De Wikipedia
Libres in li letori sala del universitatal bibliotheca de Graz

Un libre (anc codice) es un collection de printat, scrit, picturat o anc vacui folies ex papere o altri apt materiales, queles es ligat in un látere e normalmen have un covriment. Secun li definition del UNESCO, libres (por statisticas) es ínperiodic publicationes con un amplexion de almene 49 págines.

Anc singul ovres o grand textual sectiones, queles es complet in se self, es nominat libre, specialmen si illi fa parte de un tom o volume. To eveni sovente che antiqui ovres, queles consiste ex ligat collectiones de libres, por exemple li bible e altri normativ religiós sacri scrituras, li Aeneis e divers antiqui e medieval historiografic ovres. Li max veľi conosset libre es li epos Gilgamesh, quel esset scrit in li babylonian lingue.

Electronicmen storat libre-textus es nominat digital libres o electronic libres (abbreviat e-libres). Un altri modern variante del libre es li audio-libre.