Lihou

De Wikipedia
Jump to navigation Jump to search

Lihou es un marea-insul quel es situat in un distantie de 500 metres del canal-insul Guernsey. It es solmen durant li flute un insul. Durant li reflut on posse atinger it sovente por hores per pedes de Guernsey. It es situat nord-west de Guernsey, li ped-via a Lihou es per nord del Rocquine Bay in li village L'Erée del parocia Saint Pierre du Bois.

Lihou have un longore de 400 metres e un largore de 300 metres. It have un area de 15 hectares.

In li 12-im secul un monacatu del Benedictineres-monacos esset apertet sur li insul. Hodie it have un dom por scol-classes e gruppes sur li insul, ma it ne es permanentmen habitat.