Mark Duplass
| Mark Duplass | |
|---|---|
 | |
| Land |  USA
|
| Nascentie | 7-im de decembre 1976 in New Orleans, Louisiana |
| Ocupation | Actor, Film-director |
Mark David Duplass es un actor, film-director, producent e autor de filmes de cinema e television del USA. Il nascet ye li 7-im de decembre 1976 in New Orleans, Louisiana e ludet quam actor li rol del psichopatic mortator in li horror-film Creep in li annu 2014 e su continuation Creep 2 in li annu 2017. Il anc esset li co-autor in ambi filmes.
Mark Duplass es activ quam actor desde li annu 1996. Il ludet anc in li filmes Humpday (2009), The League (2009–2015), Greenberg (2010), The Mindy Project (2012–2014), Safety Not Guaranteed (2012), Tammy (2014), The One I Love (2014), The Lazarus Effect (2015), Togetherness (2015–2016), Blue Jay (2016), Tully (2018), Goliath (2018–2019), Paddleton (2019), Bombshell (2019) e Language Lessons (2021).
In li annu 1996 il fundat con su fratre Jay Duplass li film-firma Duplass Brothers Productions. Mark Duplass scrit e directet con su fratre li filmes The Puffy Chair (2005), Baghead (2008), Cyrus (2010), Jeff, Who Lives at Home (2011) e The Do-Deca-Pentathlon (2012).
Mark Duplass es anc activ quam musico. Il es li cantator del índependent rock-musica gruppe Volcano, I'm Still Excited!!
Mark Duplass es maritat con li actoressa Katie Asselten, qui anc ludet in su film The Puffy Chair (2005). Li cuple have du infantes.