Martin Schulz
Saltar por navigation
Saltar por sercha
Martin Schulz es un politico de Germania. Il nascet li 20-im de decembre 1955 in Hehlrath, quel es hodie un parte del cité Eschweiler (Germania) in li país federal Nordrhen-Westfalia. Schultz es membre del Socialdemocratic Partise de Germania e desde januar 2012 presidente del Europan Parlament.
Personal vive[modificar | redacter fonte]
- 1974 Schulz finit li scola.
- 1975-1977 Schulz fat un aprentisage quam librero.
- 1978-1982 Schulz laborat por diversi librerías e editorias.
- 1982 Schulz fundat un propri libería con editoria in Würselen. Il restat un del proprietarios til li annu 1994.
Martin Schulz es maritat e have du infantes. Il parla éxter su lingue matrin german anc anglesi, francesi, nederlandesi e italian.
Political cariera[modificar | redacter fonte]
- 1974 Martin Schulz devenit membre del Socialdemocratic Partise de Germania in li etá de 19 annus.
- 1984-1998 Il esset membre del consilie municipal de Würselen por li socialdemocrates.
- 1987-1994 Schulz esset borgomastro de Würselen.
- 1994 Il esset electet in li Europan Parlament quam representante del Socialdemocratic Partise de Germania.
- 2000-2004 Schulz esset presidente del gruppe del deputates del Socialdemocratic Partise de Germania in li Europan Parlament.
- 2003 Schulz devenit internationalmen conosset pro su conflicte con li ex-italian prim-ministre Silvio Berlusconi.
- 2004 Desde ti annu Schulz es presidente del fraction Socialist Partise de Europa.
- 2012 Schulz es electet quam presidente del Europan Parlament.
- 2014 Schulz es electet quam candidate del europan socialistes por li oficie dle presidente del Europan Comission.
Schulz es anc vice-presidente del Socialist Internationale.