Max Brod
| Max Brod | |
|---|---|
 | |
| Land |  Austria, Republica Tchec, Israel
|
| Nascentie | 27-im de may 1884 in Praha |
| Morte | 20-im de decembre 1968 in Tel Aviv |
| Ocupation | Autor, Editor |
Max Brod esset un austrian-tchek autor e editor de orígine judeic. Il nascet li 27-im de may 1884 in Praha e morit ye li 20-im de decembre 1968 in Tel Aviv (Israel). Max Brod devenit famosi por editer e publicar li heredage del scritor Franz Kafka. Il anc es egardat quam decovritor del autor Franz Werfel.
Max Brod studiat jurisprudentie in Praha e fat ta anc su doctoratu. Durant su studies Max Brod fat li connossentie de [Franz Kafka]] e ili devenit amicos. Max Brod anc studiat scientie de musica in Praha.
Pos su studies Max Brod laborat in prim in li administration del state, ma poy quam jurnalist del jurnal Prager Tagblatt in li section de cultura. Max Brod anc esset activ quam autor e publicat racontas e romanes. Il scrit su libres in german.
Max Brod havet li civitá de Austria-Hungaria, Tchecoslovakia e Israel. In li annu 1913 il maritat ti traductora Elsa Taussig, qui morit in li annu 1943.
In li annu 1939 Max Brod fugit del nationalsocialistes a Palestina.