Michael Rösch

Michael Rösch es un biatlon-sportista de Germania qui starte desde li annu 2012 por Belgia. Rösch nascet li 4-im de may 1983 in Pirna (Germania) e il ganiat in li Olimpic Ludes de hiverne 2006 in Torino li aure-medallie con li biatlon-stafete de Germania.

Personal e professial vive éxter li sport

Michael Rösch es li filio del ex-biatlon-sportist Eberhard Rösch qui startet por li German Democratic Republica e esset champion mundal de biatlon. Michael Rösch ja comensat con li biatlon in li etá de nin annus.

Rösch laborat quam policist in Germania, ma pos su changea a Belgia il abandonat ti profession. Michael Rösch esset in li annu 2012 escartat ex li national team de Germania. Pro to il starta desde li annu 2012 por Belgia. Il devenit cive de Belgia in li annu 2014.

Sportal successes

Rösch devenit quar vez champion mundal de juniores. In li annu 2004 il fat su debut in li Mund-bocale de biatlon.

Olimpic Ludes del hiverne

• Aure-medallie con li stafete de Germania in Olimpic Ludes de hiverne 2006 Torino li aure-medallie con li biatlon-stafete de Germania.

Championatus mundal

• Bronze-medallie con li stafete de Germania in li Championatu mundal de biatlon 2007, 2008 e 2009.

Mund-bocale de biatlon

Til nu Michael Rösch ganiat quar competitiones in Mund-bocale de biatlon, du con li stafete de Germania e du quam singul atlet.

Fontes

• Joachim Müller: Der König von Belgien, in: Süddeutsche Zeitung 12-im de marte 2015, págine 27.