Miloš Zeman

De Wikipedia
Miloš Zeman

Miloš Zeman es un politico de Tchekia. Il nascet li 28-im de septembre 1944 in Kolín e esset inter li 8-im de marte 2013 8-im de marte 2023 li presidente de Tchekia. Desde li annu 1993 Zeman es li honor-presidente del Partise del Civic Jures (SPO).

Personal e professional vive[modificar | redacter fonte]

Miloš Zeman studiat economie in Praha. Il finit su studies in li annu 1969. Inter 1971 e 1984 Zeman laborat in li sport organisation Sportpropag. Inter 1984 e 1989 il laborat por li firma Agrodat. Zeman havet pro su critical political opinones contra li comunistic sisteme in li land problemas in su labore.

Il esset maritat con Blanka Zemanová, ma li cuple divorciat in li annu 1978. In li annu 1993 Miloš Zeman maritat Ivana Bednarčíková qui laborat quam su assistenta. Miloš Zeman have du infantes. Su filio Klaus originat ex su prim maritage e su filia Kateřina Zemanová (nascet in li annu 1994)

Political cariera[modificar | redacter fonte]

  • 1968-1970 Zeman esset membre del Comunist Partise de Tchekoslovakia.
  • 1990-1991 Membre del Civic Forum.
  • 1991-1992 Membre del Civic Movement.
  • 1996-1998 Presidente del Chambre del deputates.
  • 1992-2007 Zeman esset membre del Tchek Socialdemocratic Partise
  • 1993-2001 Zeman esset li presidente del Tchek Socialdemocratic Partise (ČSSD).
  • 1998-2002 Zeman esset prim-ministre de Tchekia.
  • 2007 Zeman forlassat li Tchek Socialdemocratic Partise in li marte 2007 pro un conflicte con li presidente del partise Jiří Paroubek.
  • 2009 Miloš Zeman fundat li Partise del Civic Jures.
  • 2010 Il candidat quam prim candidate del Partise del Civic Jures por li parlament de Tchekia, ma li partise fallit con 4,3 percentes intrar in li parlament.
  • 2013 Miloš Zeman es electet directmen quam presidente de Tchekia. Il comensat su oficie li 8-im de marte 2013.
  • 2013-2023 Miloš Zeman esset presidente de Tchekia inter li 8-im de marte 2013 e li 8-im de marte 2023.
  • 2018 Miloš Zeman es reelectet quam president de Tchekia. Il victet in li duesim rond con 51,36 percentes in li fine de januar 2018.
  • 2022 Miloš Zeman declarat ye li 19-im de octobre 2022 su demission del politca pro causes de sanitá. Il ne candidat plu quam presidente in li annu 2022.

Politica[modificar | redacter fonte]

Zeman es un controversial politico con un agressiv retorica. Il have simpatie por Russia e es critical contra Germania. It es conosset que Zeman have problemas con alcohol.