Milorad Dodik

De Wikipedia
Jump to navigation Jump to search
Milorad Dodik

Milorad Dodik es li presidente del serb entitet Republika Srpska in Bosnia e Herzegovina.

Il nascet li 12 del marte 1959 in Laktaši (Ex-Yugoslavia).

Dodik studiat political scienties in Beograd. 1986 il devenit borgomastro de Laktaši. Il es maritat e have du infantes.

In li annu 1990 Dodik devenit membre del parlament de Bosnia e Herzegovina quam candidate del reform-comunistic alliantie SRSJ. Plu tard il devenit membre del parlament del Republika Srpska.

In li annu 1996 il fundat li Partise del índependent socialdemocrates (SNSD). In li annu 2002 li SNSD adoptet li nómine Union del índependent socialdemocrates (SNSD) pos li fusion con un litt socialdemocratic partise. Dodik es li presidente del SNSD desde su fundation.

Dodik esset prim-ministre del Republika Srpska ínter 1998 e 2001 e ancor unvez ínter 2006 e 2010. In li annu 2010 Dodik esset electet quam presidente del Republika Srpska. In li annu 2014 il candida denov por li position del presidente del Republika Srpska.

Dodik have un negativ opinion pri li state Bosnia e Herzegovina e prefere un grand autonomia o mem índependentie del Republika Srpska.

In li annu 2014 Dodik esset reelectet quam preisdente del Republika Srpska. Il ganiat strettmen con 45,22 percentes contra Ognjen Tadić qui recivet 44,19 percentes.

Personal vive[modificar | redacter fonte]

Milorad Dodik es maritat con Snežana Dodik e li cuple have un filia Gorica e un filio Igor.

Ligamentes extern[modificar | redacter fonte]

Oficial biografie de Milorad Dodik in anglesi