Mirsad Hadžikadić
| Mirsad Hadžikadić | |
|---|---|
.jpg) | |
| Land |  Bosnia e Herzegovina
|
| Nascentie | 21-im de januar 1955 in Banja Luka |
| Ocupation | Politico, Informatico |
Mirsad Hadžikadić es un politico de Bosnia e Herzegovina. Il nascet li 21-im de januar 1955 in Banja Luka e esset un índependent candidate in li electiones presidential 2018. Mirsad Hadžikadić recivet 10 percentes in li electiones al bosniak membre del presidentie del state Bosnia e Herzegovina e il fundat in li novembre 2018 li political partise Platform por Progresse.
Personal e professional vive
[modificar | redacter fonte]Mirsad Hadžikadić studiat informatica. In li annu 1984 il translocat al USA. Mirsad Hadžikadić fat su doctoratu in li privat universitá Southern Methodist University in Plano (Texas) ye li annu 1987. Il fat un cariera in li scientie de informatica. In li 1987 Mirsad Hadžikadić comensat laborar in li universitá de Nord-Carolina in Charlotte (Nord-Carolina. Il devenit professor por informatica e scri pluri scientific libres e articules in jurnales pri informatica.
In li annu 2008 il devenit director del institut por complex sistemas. In li annu 2018 Mirsad Hadžikadić retornat al Bosnia e Herzegovina e habita in Sarajevo. Mirsad Hadžikadić je maritat con Mirzeta Hadžikadić e li cuple have du infantes.
Political cariera
[modificar | redacter fonte]- 2018 Mirsad Hadžikadić esset índependent candidate in li electiones presidential 2018 e recivet 10 percentes in li electiones al bosniak membre del presidentie del state Bosnia e Herzegovina. Pos li electiones il fundat li 25-im de novembre 2018 li liberal political partise Platform por Progresse e devenit li presidente de ti partise.
- 2022 Mirsad Hadžikadić candidat denov por li oficie del bosniak membre del presidentie del state Bosnia e Herzegovina.