Mohamed Hamdan Dagalo
| Mohamed Hamdan Dagalo | |
|---|---|
.jpg) | |
| Land | Avise:SDN |
| Nascentie | 1974 o 1975 in Darfur |
| Ocupation | General, Politico |
Mohamed Hamdan Dagalo (arab scrit:محمد حمدان دقلو) es un politico e general de Sudan. Il nascet in li annu 1974 o 1975 in li region Darfur e es desde li annu 2019 li vice-presidente del Transitional Sovereignty Council, quel regna in Sudan desde li colpe del state contra li presidente e dictator Omar al-Bashir. In li april 2023 su militari gruppe Rapid Support Forces ataccat li sudanesi armé del presidente Abdel Fattah Abdelrahman Burhan. Mohamed Hamdan Dagalo es conosset in Sudan anc su li nómine Hemeti, Hamitti, Hemitti o Hemitte.
Personal e professional vive[modificar | redacter fonte]
Mohamed Hamdan Dagalo nascet inter 1973 e 1975 in li region Darfur. Il apartene al tribe de Rizeigat, quel apartene al etnic gruppe de Baggara. Mohamed Hamdan Dagalo ne finit li scola, ma devenit membre del milicie del Janjaweed. Mohamed Hamdan Dagalo devenit li ductor del Janjaweed e li presidente del Sudan Omar al-Bashir usat li milicie por suppresser li rebellion in li region Darfur. Anti li guerre in Darfur, quel comensat in li annu 2003, Mohamed Hamdan Dagalo mercat con cameles, ma to esset disputat. Presidente Omar al-Bashir nominat Dagalo quam general e ductor del milicie Rapid Support Forces. Partes del Janjaweed-milicie esset transformat in li Rapid Support Forces.
Mohamed Hamdan Dagalo e su truppe es responsabil por pluri massacres in li region Darfur. Il anc inviat mercenarios in li guerre intern a Yemen por combatter por Saudi-Arabia. Pro to Mohamed Hamdan Dagalo have bon relationes con li guvernamentes de Saudi-Arabia e del Unit Arabic Emiratus.
In li 3-im de junio 2019 Mohamed Hamdan Dagalo e su milicie supresset con violentie democratic protestes in li cité capital Cartum. Plu quam 100 demonstrantes esset mortat del Rapid Support Force sub li comande de Dagalo.
Mohamed Hamdan Dagalo e su familie controla li comercie con aure in Sudan e possede minieras de aure in li land.
Political cariera[modificar | redacter fonte]
Mohamed Hamdan Dagalo suportat li colpe del state del armé contra presidente Omar al-Bashir.
- 2019 Mohamed Hamdan Dagalo devenit vice-presidente Transitional Sovereignty Council es detra general Abdel Fattah Abdelrahman Burhan li duesim max important e potent person in li Sudan.
- 2023 Mohamed Hamdan Dagalo comensat in li april 2023 un colpe del state con su milicie contra Abdel Fattah Abdelrahman Burhan.