Nicole Kidman
| Nicole Kidman | |
|---|---|
 | |
| Land |  Australia,  USA
|
| Nascentie | 20-im de junio 1967 in Honolulu, Hawaii |
| Ocupation | Actoressa, Producent |
Nicole Kidman es un actoressa de USA e Australia. Ella nascet li 20-im de junio 1967 in Honolulu (Hawaii) e ganiat li Oscar-Premie in li annu 2003 por acter in li film The Hours. Nicole Kidman es activ quam actoressa desde li annu 1983.
Nicole Kidman nascet in Honolulu, ma in li annu 1970 su familie translocat a Sydney (Australia). Ella comensat su carriera quam actoressa in li annu 1983 in Australia per acter in li film BMX Bandits.
Nicole Kidman ludet in mult successosi filmes quam Days of Thunder (1990), Far and Away (1992), To Die For (1995), Eyes Wide Shut (1999), li horror-film The Others (2001) e Cold Mountain (2003). Kidman ganiat li Oscar-premie per acter in li film The Hours (2002) e esset nominat por li Oscar-premie por li filmes Moulin Rouge! (2001), Rabbit Hole (2010), Lion (2016) e Being the Ricardos (2021).
Inter 1990 e 2001 Nicole Kidman esset maritat con li actor Tom Cruise e desde li annu 2006 ella es maritat con li musico Keith Urban. Nicole Kidman have quar infantes.