Nigel Farage

Nigel Paul Farage es un politico del Reyatu Unit. Il nascet li 3-im de april 1964 in Farnborough e esset li presidente del euro-sceptic e populist Partise por li índependentie del Reyatu Unit inter 1999 e 2015. Farage esset inter 1999 e 2020 membre del Europan Parlament e esset inter 2004 e 2019 un del du co-presidentes del fraction Europa del libertá e del direct democratie in li Europan Parlament. Il esset fundator e presidente del Brexit-Party inter 2019 e 2021, quel changeat su nómine in li annu 2021 a Reform UK. In li annu 2024 Nigel Fagel esset electet in li parlament del Reyatu Unit por li partise Reform UK.

Personal e professional vive

Farage finit li scola in li annu 1982. Il ne studiat, ma comensat laborar quam comerciante in li bursa.

Inter 1988 e 1997 Nigel Farage esset maritat con Gráinne Hayes. Li cuple have du filios, Samuel (nascet in li annu 1989) e Thomas (nascet in li annu 1991). In li annu 1999 il maritat Kirsten Mehr qui origina de Germania. Li cuple have du filias Victoria (nascet in li annu 2000) e Isabelle (nascet in li annu 2005).

Political cariera

Til li annu 1992 Farage esset activ in li Conservativ Partise.

1993 Farage es inter li fundatores del eurosceptic e populist Partise por li índependentie del Reyatu Unit.
1998-2000 Nigel Farage esset presidente del Partise por li índependentie del Reyatu Unit.
1999-2020 Farage esset membre del Europan Parlament por li Partise por li índependentie del Reyatu Unit e li [[Brexit-Party].
2006 Nigel Farage esset electet li 12-im de septembre 2006 quam presidente del Partise por li índependentie del Reyatu Unit.
2009-2019 Farage esset un del du co-presidentes del fraction Europa del libertá e del direct democratie in li Europan Parlament.
2015 Pro que il personalmen ne ganiat un sede in li electiones parlamentari del Reyatu Unit Farage anunciat li 8-i, de may 2015 su demission quam presidente del Partise por li índependentie del Reyatu Unit.
2019 Farage fundat li Brexit-Party e partiprendet in li electiones al Europan Parlament. Su partise victet li electiones.
2019-2021 Nigel Farage esset presidente del Brexit-Party, quel changeat in li annu 2021 su nómine a Reform UK.
2024 Nigel Farage es electet in parlament del Reyatu Unit por li partise Reform UK.