Norbert Röttgen

Norbert Alois Röttgen es un politico de Germania del Cristan Democratic Union de Germania. Il nascet li 2-im de julí 1965 in Meckenheim e esset ministre por li protection del circumité, protection del natura e del securitá por atom-reactores inter 2009-2012. Norbert Röttgen declarat in li februar 2020 su candidatura por li oficie del presidente del Cristan Democratic Union de Germania.

Personal e professional vive

Norbert Röttgen studiat jurisprudentie in Bonn. Pos li fine de studies il laborat quam avocate. Il fat su doctoratu in jurisprudentie in li annu 2001.

Norbert Röttgen es maritat con Ebba Herfs-Röttgen. Li cuple have du filios e un filia e habitat in Königswinter-Stieldorf.

Political cariera

1982 Norbert Röttgen adherat al Cristan Democratic Union de Germania.
1994 Norbert Röttgen es electet in li parlament de Germania.
2009-2012 Ministre por li protection del circumité, protection del natura e del securitá por atom-reactores in li guvernament de Angela Merkel.
2010-2012 Röttgen esset presidente del organisation del Cristan Democratic Union de Germania in Nordrhen-Westfalia e vice-presidente del partise in Germania
2012 Norbert Röttgen esset prim-candidate del Cristan Democratic Union de Germania in li electiones al parlament de Nordrhen-Westfalia. Röttgen perdit li electiones con tre mal resultate e demissionat quam presidente del organisation del Cristan Democratic Union de Germania in Nordrhen-Westfalia e vice-presidente del partise in Germania. Angela Merkel demisset le quam ministre li 16-im de febuar 2012.
2014 Norbert Röttgen devenit li presidente del comission del parlament de Germania por externi aferes.
2020 Norbert Röttgen declarat in li februar 2020 su candidatura por li oficie del presidente del Cristan Democratic Union de Germania.