Nord-Cypria

De Wikipedia
Li flagga de Nord-Cypria

Nord-Cypria (turc: Kuzey Kıbrıs) es un state in li nord-ost del insul Cypria quel ne es internationalmen aconosset. Li oficial nómine del state es Turk Republica Cypria e it esset fundat in li annu 1974 durant li militari intervention de Turcia sur Cypria. It declarat su índependentie li 15-im de novembre 1983. Til hodie solmen Turcia ha aconosset Nord-Cypria quam state.

Li cité capital de Nord-Cypria es li nord de Nicosia. Nord-Cypria have 294.906 (2012) habitantes e un area de 3355 quadrat-kilometres.

Nord-Cypria es secun li constitution de 1985 un presidential republica. It have li turk lira quam valuta. Li Europan Union egarda Nord-Cypria quam parte del state Cypria e pro to Nord-Cypria apartene al territoria del Europan Union.

In Nord-Cypria hay 36.000 soldates de Turcia. In li annu 2004 un majoritá de 61 percentes votat por un plan del Organisation del Unit Nationes por reunir li insul, ma in li sud in li Republica Cypria un majoritá del cives votat contra it e pro to li plan ne esset realisat.