Paul Auster
| Paul Auster | |
|---|---|
 | |
| Land |  USA
|
| Nascentie | 3-im de februar 1947 in Newark, New Jersey |
| Morte | 30-im de april 2024 in New York |
| Ocupation | Autor |
Paul Benjamin Auster esset un famosi autor de USA. Il nascet li 3-im de februar 1947 in Newark (New Jersey) e morit li 30-im de april 2024 in New York.
Vive
[modificar | redacter fonte]Paul Auster es de judeic orígine. Il studiat litteratura e anglistica in New York e Paris. Paul Auster laborat quam docente in li universitá Columbia University in New York e anc quam traductor por frances litteratura. In li annu 1974 publicat su unesim libre e il devenit autor.
Paul Auster esset duvez maritat. Inter 1974 e 1977 il esset maritat con li autoressa Lydia Davis e li cuple havet un filio Daniel Aust. Desde li annu 1981 til su morte con li autoressa Siri Hustvedt e li cuple havet un filia Sophie Auster, qui es activ quam cantatora.
Ovre
[modificar | redacter fonte]Paul Auster devenit famosi per li experimental criminal roman-serie Li Trilogie de New York, quel consiste ex li romanes Cité ex Glass (1985), Fantomes (1986) e Li Serrat Chambre (1986). Altri grand succeses esset li romanes Li Palace de Luna (1989) e Senior Vertigo (1994).
Paul Auster ganiat mult premies por litteratura. In li annu 2023 il publicat su ultim roman Baumgartner. Li ovres de Paul Auster esset traductet in plu quam 40 lingues.