Radovan Karadžić

De Wikipedia
Radovan Karadžić in li annu 1994

Radovan Karadžić es un serb politico in Bosnia e Herzegovina e condamnat criminal de guerre. il nascet li 19-im de junio 1945 in Petnjica (Montenegro e esset presidente del Republica Srpska inter 1992 e 1996. Karadžić esset co-fundator del nationalist Serb Democratic Partise e esset su presidente inter 1990 e 1996.

Li International Tribunale por ex-Yugoslavia in Den Haag li 24-im de marte 2016 condamnat Radovan Karadžić a un punition de 40 annus de prison por li Genocide de Srebrenica in li annu 1995.

Personal e professional vive[modificar | redacter fonte]

In li etá de 15 annus Radovan Karadžić translocat con su familie de Montenegro a Sarajevo in Bosnia e Herzegovina. Il finit ta li scole e studiat medicina al Universitá de Sarajevo. In finit su studies in li annu 1971 e comensat laborar quam psichologo. In li annus 1974 e 1975 Karadžić studiat in Zagreb, Beograd e New York.

Pos su retorn a Bosnia e Herzegovina Karadžić apertet su privat psichiatric clientela in Pale 20 kilometres ost de Sarajevo. Radovan Karadžić anc scrit poemas e composit folkloristic musica.

Radovan Karadžić es maritat con Ljiljana Zelen Karadžić. Li cuple have un filia Sonja Karadžić e un filio.

Political carriera[modificar | redacter fonte]

Radovan Karadžić quam criminal de guerre[modificar | redacter fonte]

In li Guerre Intern de Bosnia e Herzegovina Radovan Karadžić esset responsabil quam presidente del Republika Srpska por mult crimines de guerre. Ja ante li comense del guerre in li annu 1992 il menaciat li bosniakes con li extintion in li casu del índependentie de Bosnia e Herzegovina.

Li International Tribunale por ex-Yugoslavia in Den Haag egardat Radovan Karadžić quam responsabil por mult crimines inter altri por li Genocide de Srebrenica in li annu 1995.

In li annu 1996 Radovan Karadžić fugit e desparit. Il habitat con li fals nómine Dragan David Dabić in Beograd e laborat ta quam alternativ medico. Li 21-im de julí 2008 il esset arestat in Beograd e tranfertet a Den Haag u il esset accusat de criminales de guerre. Il restat in prison til li fine de su juristic processu in li annu 2016.

Li International Tribunale por ex-Yugoslavia in Den Haag li 24-im de marte 2016 condamnat Radovan Karadžić a un punition de 40 annus de prison por li Genocide de Srebrenica in li annu 1995.

Malgré su rol in li crimines del guerre Radovan Karadžić inter mult serbes quam national heróe.