Raman Pratasevich

De Wikipedia
Saltar por navigation Saltar por sercha
Raman Pratasevich
Land Flag of Belarus.svg Bielorussia
Nascentie 5-im de may 1995
in Minsk
Ocupation Jurnalist, activist

Raman Dzmitryevich Pratasevich (bielorussian: Раман Дзмітрыевіч Пратасевіч o russ: Роман Дмитриевич Протасевич) es un political activist e jurnalist de Bielorussia. Il nascet li 5-im de may 1995 in Minsk e esset arestat durant un viage de Athina a Vilnius ye li 23-im de may 2021. Su avion esset fortiat aterrar in Minsk per un militari avion de Bielorussia. Li states del Europan Union videt to quam political terrorisme del guvernament de Bielorussia.

Personal e professional vive[modificar | redacter fonte]

Raman Pratasevich studiat jurnalistica in Minsk, ma esset excludet de la universitá pro su political activitás contra li presidente Aleksandr Lukashenko. Su partner Sogia Sapega anc esset arestat in li avion ye li 23-im de may 2021.

Raman Pratasevich laborat por diversi medias del oposition. Il laborat quam fotograf por li radio Eurapejskaje Radyjo dlja Belarusi e quam jurnalist por li bielorussian version deRadio Free Europe/Radio Liberty.

Ye li annu 2019 Raman Pratasevich translocat a Polonia.

Ye li annu 2020 Raman Pratasevich fundat juntmen con Szjapan Puzila e laborat por li canale Nexta che li social retage Telegram. Nexta havet plu quam du milliones abonatores, ma Pratasevich abandonat Nexta in li septembre 2020. Desde li annu 2021 Pratasevich laborat por li canala e Telegram @belamova.

Li guvernament de Bielorussia declarat que Pratasevich instigat political protestes e vell esser un political terrorist. Pro to Pratasevich es acusat in Bielorussia.

Political activitá[modificar | redacter fonte]

Desde circa li annu 2010 Raman Pratasevich devenit political activ contra li autoritarian presidente de Bielorussia Aleksandr Lukashenko.