Ramush Haradinaj

De Wikipedia
Jump to navigation Jump to search
Ramush Haradinaj

Ramush Haradinaj es un politico de Kosovo. Il nascet 3-im de julí 1968 in li village Glođane proxim de Deçan e esset inter li 9-im de septembre 2017 e li 19-im de julí 2019 prim-ministre de Kosovo. Ramush Haradinaj es li fundator e presidente del partise Alliantie por li Futur de Kosovo.

Personal e professional vive[modificar | redacter fonte]

Pos li scole Ramush Haradinaj fat su obligatori militarie servicie. Pos to Haradinaj translocat a Svissia. Il fat ta different ocasional labores.

Ramush Haradinaj es maritat por li duesim vez. Su unesim marita esset Joanna Carlsson de Finland e su duesim marita es li jurnaliste Anita Muçaj-Haradinaj. Ex ambi maritages Ramush Haradinaj have tri infantes.

Ramush Haradinaj in li milite[modificar | redacter fonte]

Ramush Haradinaj esset un activ membre del paramilitari organisation UÇK.

Ramush Haradinaj esset acusat pro crimines de guerre, ma li International Tribunale por Crimines in Ex-Jugoslavia aquittat le duvez de tis acusationes. In Serbia it hay ancor un international mandate de arest contra il. Pro ti mandate de arest Haradinaj esset trivez arestet (unvez in Slovenia e duvez in Francia, ma esset liberat chascun vez pos un brevi témpor.

Political cariera[modificar | redacter fonte]

  • 2000 Ramush Hardinaj fundat li partise Alliantie por li Futur de Kosovo e devenit su presidente.
  • 2004-2005 Prim-ministre del índependent Kosovo
  • 2017 Ramush Haradinaj devenit denov prim-ministre de Kosovo.
  • 2019 Haradinaj demissionat li 19-im de julí 2019 quam prim-ministre pro un investigation contra il pro crimines del guerre.